தெறி, மெர்சல் ஆகிய படங்களைத் தொடர்ந்து இயக்குநர் அட்லீ இயக்கத்தில் நடிகர் விஜய் தற்போது ‘பிகில்’ படத்தில் நடித்து முடித்திருக்கிறார். ஏ.ஜி.எஸ் எண்டெர்டெயின்மெண்ட் நிறுவனம் தயாரித்துள்ள இப்படத்தில் விஜய் இரண்டு கதாபாத்திரங்களில் நடித்துள்ளார்.
பெண்கள் கால்பந்து விளையாட்டை மையப்படுத்தி உருவாகியுள்ள இப்படத்தில் விஜய்க்கு ஜோடியாக நயன்தாரா நடித்துள்ளார். உடன் யோகி பாபு, கதிர், விவேக், இந்துஜா, ஜாக்கி ஷரூப், டேனியல் பாலாஜி, ஆனந்தராஜ், சவுந்தரராஜா, தேவதர்ஷினி, ரெபா மோகா ஜான், வர்ஷா போலம்மா, ஐஎம் விஜயன் உள்பட பலர் நடித்துள்ளனர்.
இந்நிலையில், இன்று பிகில் படத்தின் இசை வெளியீட்டு விழா சாய்ராம் பொறியியல் கல்லூரியில் நடைபெறவுள்ளது. இதில் இசைப்புயல் ஏ.ஆர் ரஹ்மான் இசையமைத்து மேடையில் லைவ்வாக பாடவிருக்கிறர். அதே விஜய்யின் மேடை பேச்சுக்காக காத்திருக்கும் ரசிகர்களுக்கு இன்னொரு இன்பச்செய்தி என்னவென்றால் " வெறித்தனம் " பாடலை விஜய் மேடையில் பாடி அசத்தவுள்ளாராம். ஆனால், இதனை வெளியில் சொல்லாமல் ரசிகர்களுக்கு சர்ப்ரைஸ் கொடுக்க படக்குழு திட்டமிட்டுள்ளதாம்.
