கஜா புயலால் பாதிக்கப்பட்ட டெல்டா மாவட்ட மக்களுக்கு பல நடிகர்கள், நடிகைகள், அரசியல்வாதிகள், தொழிலதிபர்கள் என பலரும் உதவி செய்து கொண்டிருக்க யாரும் எதிர்பார்க்காத வகையில் நடிகர் அஜித்குமார் 5 கோடி ரூபாய் நிதி வழங்கி இருக்கிறார் என விநியோகிஸ்தர் 7ஜி சிவா கூறியுள்ளார்.
கஜா புயலால் பாதிக்கப்பட்ட மக்களுக்கு, பல்வேறு திரையுலகினரும் தங்களுடைய ரசிகர் மன்றங்கள் மூலமாகவும், தமிழக முதல்வரின் நிவாரண நிதிக்கு நிதியளித்தும் வரும் நிலையில் அஜித் எந்த ஒரு தகவலும் இல்லாமல் இவ்வளவு பெரிய தொகையை கொடுத்ததன் மூலம் மன்றம் பெயரில்லாமல் ரசிகர்களை முடிந்த அளவு உதவி செய்ய சொல்வதனை எடுத்துக்காட்டுகிறது.
இதனை பற்றி 7ஜி சிவா கூறியதாவது, “அனைவருமே அஜித் சார் 15 லட்சம் கொடுத்தார் என்று சொல்வார்கள். 15 லட்சம் கிடையாது. 5 கோடி ரூபாய் கொடுத்துள்ளார். தான் செய்த உதவிகளை வெளியே சொல்லாதது அவருடைய கேரக்டர். அவருடன் பெர்சனலாக பேசியிருக்கேன், பழகியிருக்கேன் என்பதால் எனக்கு தெரியும். எதையுமே விளம்பரப்படுத்திக் கொள்ளமாட்டார்” என்று பேசியுள்ளார் 7ஜி சிவா.
