சினிமாவில் நடிப்பது தவிர பைக் பயணம் மீது தீராத ஆர்வம் கொண்டவர் அஜித்குமார். தற்போது எச்.வினோத் இயக்கத்தில் தனது அடுத்த படத்தில் நடித்து வரும் அஜித்குமார், சமீபத்தில் லடாக் பைக் ரைட் சென்ற சம்பவம் வைரலானது.
இந்நிலையில் லடாக் பயணத்தில் நடந்த சுவாரஸ்யமான அனுபவங்களை சக பைக் ரைடரான மஞ்சு காஷ்யபா தெரிவித்துள்ளார். அதில் அவர் “எனது இமயமலை பயணத்தின் போது எனது பைக் பஞ்சர் ஆகிவிட்டது. பிஎம்டபிள்யூ 1250ஜிஎஸ்ஏ பைக்கில் வந்த அஜித் என்னுடைய பைக்கை அவரே சரிசெய்து கொடுத்தார். பின்னர் அடுத்த இரண்டு மணி நேரம் ஒன்றாக பயணித்தோம்” என்று கூறி அஜித்துடன் எடுத்த புகைப்படங்களை பகிர்ந்துள்ளார்.
