கடந்த மார்ச் மாதம் சென்னையில் saveshakti என்ற ஹேஷ்டேக்குடன் பெண்களுக்கு எதிரான பாலியல் துன்புறுத்தல்களுக்கு எதிராக கையெழுத்து இயக்கத்தையும் தனது பிரசாரத்தையும் தொடங்கினார் நடிகை வரலட்சுமி. இந்த கையெழுத்து இயக்கத்தில் பல நடிகர், நடிகைகள் கலந்துகொண்டனர்.
முதல்வரை சந்தித்த பின்னர் செய்தியாளர்களிடம் பேசிய வரலட்சுமி, ஒவ்வொரு மாவட்டத்திலும் பெண்களுக்காக மகிளா நீதிமன்றங்கள் அதிகரிக்க வேண்டும். மனரீதியாகவும், உடல் ரீதியாகவும் அதிகம் பாதிக்கப்படும் பெண்களுக்கு எதிரான குற்றங்களை தடுத்து நிறுத்த வேண்டும். மேலும் அதுதொடர்பான வழக்குகள் விரைந்து முடிக்கப்பட வேண்டும் என கோரிக்கை வைத்ததாக கூறினார்.
