ஒரேநேரத்தில் 3 தமிழ்ப் படங்களில் அரவிந்த்சாமி நடித்து வருகிறார். தனி ஒருவன் ஹிட்டுக்குப் பிறகு அவர் நடிக்க ஒப்புக் கொண்ட படம் போகன். ஜெயம் ரவி நாயகனாக நடித்துள்ள இந்தப் படத்தின் படப்பிடிப்பு முடிந்து ரிலீஸுக்கு தயாராக உள்ளது.
சதுரங்க வேட்டை இரண்டாம் பாகத்தில் த்ரிஷா, பூர்ணாவுடன் அரவிந்த்சாமி நடித்து வருகிறார். நிர்மல் குமார் படத்தை இயக்கி வருகிறார்.
அத்துடன் சித்திக் இயக்கத்தில் மம்முட்டி, நயன்தாரா நடிப்பில் மலையாளத்தில் வெளியாகி வெற்றி பெற்ற பாஸ்கர் தி ராஸ்கல் படத்தின் தமிழ் ரீமேக்கிலும் அரவிந்த்சாமி நடிக்கிறார்.
மேலும், செல்வா இயக்கத்தில் ஒரு படமும் நடிக்க உள்ளார். இந்தப் படத்தின் நாயகியாக ரித்திகா சிங் ஒப்பந்தம் செய்யப்பட்டுள்ளார்.
