இந்த வருடத்தின் எதிர்பார்ப்புக்குரிய படங்களில் முதலிடம் ஐ -க்குதான் என்று கண்ணை மூடி சொல்லி விடலாம். படத்தின் வியாபாரமும், படத்தின் டீஸரை இணையத்தில் பார்த்துள்ள ரசிகர்களின் எண்ணிக்கையும் அதனை உறுதிப்படுத்துகின்றன.
ஆந்திராவில் மனோகரடு என்ற பெயரில் ஐ வெளியாகிறது. அதன் திரையரங்கு உரிமையை மெகா சூப்பர் குட் ஃபிலிம்ஸும், திருப்பதி பிரசாத்தும் வாங்கியுள்ளனர். கேரளாவிலும் இதுவரை இல்லாத பெரும் தொகைக்கு ஐ உரிமை விற்கப்பட்டுள்ளது. நேரம் படத்தை தயாரித்தவர்கள் ஐ -இன் கேரள திரையரங்கு விநியோக உரிமையை வாங்கியுள்ளதாக தகவல்கள் தெரிவிக்கின்றன.