சர்வதேச டென்னிஸ் தரவரிசைப் பட்டியல் இன்று வெளியிடப்பட்டது. இதில் மகளிர் இரட்டையர் பிரிவில் சானியா மிர்சா 5 ஆம் இடத்துக்கு முன்னேறியுள்ளார். மணிக்கட்டு காயத்தில் இருந்து மீண்டு சர்வதேச போட்டிகளில் சிறப்பாக ஆடி வரும் சானியா, தற்போது தனது வாழ்நாளில் சிறந்த தரநிலையை எட்டியிருக்கிறார்.
விம்பிள்டன் போட்டியில் சானியா மிர்சா-கேரா பிளாக் (ஜிம்பாப்வே) ஜோடி குறிப்பிடத்தக்க வகையில் விளையாடவில்லை. எனினும், 2 ஆம் சுற்றுக்கு முன்னேறியதால் சானியாவுக்கு 130 தரநிலைப் புள்ளிகள் கிடைத்தன. இதனால், அவர் தரவரிசையில் டாப்- 5 இடத்தைப் பிடித்துள்ளார்.