இன்றைய காலகட்டத்தில் பெண்களுக்கு எதிரான பாலியல் வன்கொடுமைகள் சர்வசாதாரணமாக மாறிவிட்ட நிலையில் அதை ஒழிப்பதற்காக பல வழிகளில் பெண்கள் துணிந்துள்ளனர். அந்த துணிச்சலின் ஒரு அங்கமாக திகழ்வதுதான் "மீடூ" . அண்மையில் எழுந்த இந்த மீடூ பிரசாரம் ஆண்களை பயத்துடன் நடந்துகொள்ளவும் பெண்கள் தங்களுக்கு நேரும் வன்கொடுமைகளை வெளியில் தைரியமாக சொல்லவும் வழி வகுத்துள்ளது.
‘பாலியல் வன்கொடுமையை முறியடிப்போம்’ என்ற தலைப்பில் தெலுங்கானா மாநிலம், ஹைதராபாதில் காவல்துறை சார்பில் நடத்தப்பட்ட நிகழ்ச்சியில், பி.வி.சிந்து சிறப்பு அழைப்பாளராக கலந்து கொண்டு பேசும்போது அவர் கூறியதாவது,
பாலியல் வன்கொடுமையையும் பெண்களுக்கு எதிரான பாகுபாடு என்றே கருத வேண்டும். பணியிடங்களில் பெண்கள் பாலியல் துன்புறுத்தலுக்கு ஆளாவது குறித்து ‘மீ டூ’ இயக்கம் விழிப்புணர்வை ஏற்படுத்தியிருக்கிறது. இது பெண்கள் மற்றும் ஆண்களுக்கு சமூகப் பொறுப்புகளை உணர்த்தியிருக்கிறது என்று நான் நம்புகிறேன். வெளிநாடுகளில் நான் சுற்றுப்பயணம் மேற்கொண்டபோது, அந்த நாடுகளில் பெண்களுக்கு உரிய மரியாதையும் அவர்களுக்கான தனிப்பட்ட உரிமைகளும் அளிக்கப்படுவதைப் பார்த்திருக்கிறேன்.
