ஆடவர் ப்ளோர் எக்சசைஸ் பிரிவில் 15.633 புள்ளிகள் சேர்த்து மேக்ஸ் விட்லாக் தங்கப் பதக்கம் வென்றார். பிரேசிலை சேர்ந்த டியாகோ ஹிப்போலிட்டோ வெள்ளிப் பதக்கத்தையும், ஆர்தர் மரியானோ வெண்கலப் பதக்கதையும் வென்றனர்.
இதேபோல் பொம்மல் ஹார்ஸ் பிரிவிலும் மேக்ஸ் விட்லாக் தங்கப் பதக்கம் வென்றார். 15.966 புள்ளிகள் சேர்த்து தங்கப் பதக்கத்தை அவர் தன்வசமாக்கினார். இந்தப் பிரிவில் பிரிட்டனை சேர்ந்த மற்றொரு வீரர் லூயிஸ் ஸ்மித் இரண்டாவது இடத்தையும், அமெரிக்காவை சேர்ந்த அலெக்சாண்டர் நடடோர் மூன்றாவது இடத்தையும் பிடித்தனர்.
