ஆனால் அதன்பிறகும் சிவக்குமார் தனது கள்ள உறவை தொடர்ந்ததாக கூறப்படுகிறது. இதனால் ஆத்திரமடைந்த தேவேந்திரன் நேற்று மதியம் வீட்டின் அருகே மது அருந்திக் கொண்டிருந்த சிவக்குமாரை சில ஆட்களுடன் சென்று பட்டாக்கத்தி, அரிவாள் உள்ளிட்ட ஆயுதங்களால் சரமாரியாக வெட்டிவிட்டு அங்கிருந்து தப்பி ஓடியுள்ளார். இதில் ரத்த வெள்ளத்தில் சரிந்த சிவக்குமார் சம்பவ இடத்திலேயே பலியானார்.
இதுகுறித்து போலீஸார் வழக்குப்பதிவு செய்து தேவேந்திரனை தேடி வந்த நிலையில் அவரே பொன்னேரி காவல் நிலையத்தில் சென்று மேற்படி விஷயங்களை சொல்லி சரணடைந்துள்ளார். இந்நிலையில் போலீஸார் தேவேந்திரனுக்கு உதவி செய்த கூட்டாளிகளை தேடி வருகின்றனர். கள்ள உறவால் ஏற்பட்ட கொலை சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.
