நடந்து முடிந்த சட்டசபை தேர்தலில் தோல்வியுற்ற தேமுதிக வேட்பாளர்களுக்கு தலா 10 லட்சம் தருவதாக விஜயகாந்த் உறுதி அளித்ததாகவும், தற்போது பணம் எல்லாம் தர முடியாது என விஜயகாந்த் கூறியதாகவும் தகவல்கள் வருகின்றன.
இந்நிலையில் தேர்தலில் படுதோல்வியடைந்த தேமுதிக தோல்வி குறித்து கோயம்பேட்டில் உள்ள தலைமை அலுவலகத்தில் வேட்பாளர்களுடன் ஆலோசனை நடத்தியது. இந்த ஆலோசனை கூட்டத்தில் வேட்பாளர்கள் தாங்கள் சொத்துக்களை அடகு வைத்து தேர்தலை சந்தித்ததாகவும், தற்போது மிகவும் கஷ்டப்படுவதாக கூறியதை அடுத்து ஆளுக்கு 10 லட்சம் தருவதாக விஜயகாந்த் வாக்குறுதி அளித்ததாக தகவல்கள் வந்தது.
இந்நிலையில், பணம் தொடர்பாக யாரும் தலைமை கழகத்தையோ, விஜயகாந்தையோ தொடர்பு கொள்ள கூடாது எனவும், தேர்தலில் வேட்பாளர்கள் யாரும் பணம் செலவு செய்யவில்லை, பிறகு எதற்கு பணம் தர வேண்டும் என விஜயகாந்த் கூறியதாக தலைமை கழக நிர்வாகிகள் தோல்வியுற்ற வேட்பாளர்களிடம் கூறியதாக தற்போது தகவல்கள் கசிகின்றன.
