சட்டசபை தேர்தலில் தேமுதிக மக்கள் நல கூட்டணியுடன் சேர்ந்து தேர்தலை சந்தித்து படுதோல்வியடைந்தது. இதனையடுத்து ஒரு மாத காலம் ஊடகங்களை சந்திக்காத தேமுதிக தலைமை, தோல்வியடைந்த வேட்பாளர்களுடன் ஆலோசனை நடத்தியபின்னர் திருமண நிகழ்ச்சி ஒன்றில் கலந்து கொண்ட விஜயகாந்த் பீனிக்ஸ் பறவை போல எழுந்து வருவேன் என்றார்.
இதனையடுத்து பீனிக்ஸ் பறவையை போல் மீண்டும் எழுச்சி பெறுவோம் என பேசிய விஜயகாந்த் தற்போது உள்ளாட்சி நிர்வாகிகளுடன் ஆலோசனை நடத்த தொடங்கியுள்ளார். இதில் ஊராட்சி, ஒன்றிய, பகுதி, வட்ட செயலாளர்கள் உள்ளிட்ட நிர்வாகிகளுடன் விஜயகாந்த் ஆலோசனை நடத்துகிறார்.
ஜூன் 20-ஆம் தேதி வரை இந்த ஆலோசனை நடைபெற உள்ளதாகவும், தேர்தலில் ஏன் தோற்றோம், என்னை செய்திருக்க வேண்டும், என்ன செய்ய தவறினோம் எனவும், மேலும் உள்ளாட்சி தேர்தல் வர இருப்பதால் இந்த ஆலோசனை கூட்டத்தில் உள்ளாட்சி தேர்தலை எப்படி எதிர்கொள்வது குறித்த யுக்திகளும விவாதிக்கப்படும் என கூறப்படுகிறது.
