1949 ஆம் ஆண்டு "வாழ்க்கை" என்ற திரைப்படத்தின் மூலம் அறிமுகமான வைஜயந்தி மாலா, தமிழ், தெலுங்கு, ஹிந்தி போன்ற மொழிகளில் பல திரைப்படங்களில் நடித்துள்ளார். நடிப்பிற்காக பல விருதுகளை பெற்ற அவர், திரைப்பட உலகில் தனித்துவமான இடத்தைப் பிடித்தவர்.
இந்நிலையில், வைஜயந்தி மாலா உடல் நலக்குறைவால் உயிரிழந்ததாக சமூக வலைதளங்களில் தவறான செய்திகள் பரவி வருகின்றன. இதுகுறித்து, அவரது மருமகள் நந்தினி பாலி தனது சமூக வலைதளத்தில்,
"வைஜயந்தி மாலா நல்ல உடல் நலத்துடன் இருக்கிறார். அவரை பற்றிய எந்தவிதமான செய்தியும் உண்மை அல்ல. செய்தியை பகிர்வதற்கு முன்பு தயவுசெய்து சரிபாருங்கள். ஆதாரமற்ற வதந்திகளை பரப்ப வேண்டாம்," என்று குறிப்பிட்டுள்ளார்.
