நீங்க ஓட்டு போடுங்க; நான் அமெரிக்கா போறேன்: சூர்யா வாக்களிக்க மாட்டாரா?

ஊருக்கு தான் உபதேசம் தனக்கு இல்லை என்று ஒரு பழமொழி சொல்வார்கள். அது போல தான் உள்ளது நடிகர் சூர்யாவின் செயல். தொலைக்காட்சிகளில் தோன்றி அனைவரும் ஓட்டு போடுங்கள் என வலியுறுத்திய நடிகர் சூர்யா வாக்களிக்க மாட்டார் என பேசப்படுகிறது.

தமிழக சட்டசபை தேர்தலை முன்னிட்டு, மக்கள் தங்களது ஓட்டுரிமையை நிறைவேற்ற வீடியோக்கள் மூலம் விழிப்புணர்வு எற்படுத்தி வந்த நடிகர் சூர்யா, தேர்தல் நாளன்று அவர் சென்னையில் இருக்க மாட்டார் என்ற தகவல் வந்துள்ளது.

சூர்யா தனது மனைவி ஜோதிகா உடன் விடுமுறைக்காக அமெரிக்கா சென்று இருப்பதாகவும் இந்த மாத இறுதியில் தான் சென்னை திரும்புவார் எனவும் கூறப்படுகிறது.

தமிழ்நாடு திரைப்பட தயாரிப்பாளர்கள் கவுன்சில் தேர்தல் நாளன்று அனைவரும் வாக்களிக்கும் விதமாக அன்றைய தினம் விடுமுறை அறிவித்துள்ளது. இது அனைத்து சினிமா தொழிலாளர்கள் மற்றும் பிரபல நட்சத்திரங்கள் வாக்களிக்க உதவும்.

விஜய், அஜித், விக்ரம், சூர்யா, கார்த்தி, ஜெயம் ரவி, தனுஷ், சிம்பு, திரிஷா போன்ற பிரபல நடிகர்கள் மே 16-ம் தேதி வாக்களிப்பதை உறுதி செய்துள்ளனர். சூப்பர் ஸ்டார் ரஜினிகாந்த் ஸ்டெல்லா மேரீஸ் கல்லூரியில் வாக்களிப்பார்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்