திருப்பூர் மாவட்டம் தாராபுரத்தில் திருப்பூர் பெருமாள் கோவில் தெருவை சேர்ந்த ஈஸ்வரமூர்த்தி (62 ) இவரது மனைவி ஈஸ்வரி (53 ) ஆகியோர் திருப்பூரிலிருந்து தாராபுரத்திற்கு உறவினரின் துக்க நிகழ்வை முடித்துக் கொண்டு தாராபுரம் புறவழிச் சாலை வழியாக திருப்பூரை நோக்கி தனது ஹோண்டா அமேஸ் சொகுசு காரில் சென்று கொண்டிருந்தனர்.
அப்போது கார் கொழுந்து விட்டு எரிய தொடங்கியது. இதையடுத்து அந்த வழியாக வந்த வாகன ஓட்டிகளும், கடைகாரர்களும் தண்ணீரை ஊற்று தீயை அணைக்கும் பணியில் ஈடுபட்டனர். ஆனால் தீ கொழுந்து விட்டு எரிந்ததால் தாராபுரம் தீயணைப்பு நிலையத்திற்கு தகவல் தெரிவித்தனர்.
இதில் கார் முற்றிலும் தீயில் எரிந்து நாசமானது. மேலும் காரில் இருந்த ஒருவரது செல்போன் மற்றும் காரில் வைத்திருந்த பொருள்கள் காரின் ஆவணங்கள் ஆகியவை முழுவதும் எரிந்து நாசமானது இது குறித்து குண்டடம் போலீசாருக்கு தகவல் தெரிவிக்கப்பட்டு குண்டடம் போலீசார் சம்பவ இடத்திற்கு வந்து வழக்கு பதிவு செய்து கார் எதனால் தீ பற்றியது என விசாரணை நடத்தி வருகின்றனர்.
