திமுகவின் பலமிக்க ஆயிரம் விளக்கு தொகுதியில் அதிமுக கூட்டணியில் பாஜக சார்பில் நடிகை குஷ்பு போட்டியிடுகிறார். தன்னை வேட்பாளராக அறிவித்த நாளில் இருந்து நாள்தோறும் மக்களை சந்தித்து வாக்கு சேகரித்து வரும் குஷ்புவிற்கு மக்களின் ஆதரவு பெருகிக் கொண்டே செல்கிறது. வீடு வீடாக செல்லும் குஷ்பு பெண்களின் தேவைகளை கேட்டறிந்ததுடன், தொகுதி பிரச்சனையையும் பொறுமையாக அனைவரிடம் கேட்டுக் கொண்டார். தனக்கே உரிய பாணியில் குழந்தைகளை கொஞ்சியும், தொகுதி மக்களுடன் செல்பி எடுத்தும் குஷ்பு வாக்குகளை சேகரித்து வருகிறார்.
