நடிகராக இருந்தாலும் சமூக சேவையில் ஆர்வம் கொண்டவர் ராகவா லாரன்ஸ். ஆதரவற்ற மற்றும் மாற்றுத் திறனாளி குழந்தைகளுக்கு அடைக்கலம் கொடுத்து வருகிறார். மேலும், நடிகர் ரஜினியின் மீது திவிர அன்பும் பற்றும் கொண்டவர். கடந்த வருடம் ஜல்லிக்கட்டு போராட்டம் நடைபெற்ற போது கூட மாணவர்களுடன் அவர் கலந்து கொண்டார்.
இந்நிலையில், சமீபத்தில் செய்தியாளர்களிடம் பேசிய லாரன்ஸ், ரஜினியின் தீவிர தொண்டனாக, காவலனாக இருப்பேன் எனக் கூறினார். வருகிற 4ம் தேதி, ஆவடியில் தனது தாய்க்காக கட்டிய கோவிலில் இருந்து தனது அரசியல் பயணத்தை தொடங்க இருப்பதாக அவர் அறிவித்துள்ளார்.
