தமிழகத்தில் உள்ள பள்ளி மற்றும் கல்லூரிகளுக்கு இரண்டாவது மற்றும் நான்காவது சனிக்கிழமைகளில் விடுமுறை அளிக்கப்பட்டுள்ளது. இந்நிலையில், நாளை இரண்டாவது சனிக்கிழமை விடுமுறை இல்லை என்று அறிவிக்கப்பட்டுள்ளது.
தீபாவளி பண்டிகையை ஒட்டி கடந்த மாதம் 31ஆம் தேதி வியாழக்கிழமை தமிழக அரசு பொது விடுமுறையை அறிவித்தது. சனி, ஞாயிறு விடுமுறை என்பதால், வெள்ளிக்கிழமையும் விடுமுறை அளிக்க வேண்டும் என்று கோரிக்கை விடப்பட்டது.
இதன்படி, தமிழகம் முழுவதும் நாளை அரசு அலுவலகங்கள், பள்ளி, கல்லூரிகள் செயல்படும் என்று அறிவிக்கப்பட்டுள்ளது. தீபாவளிக்கு மறுநாள் விடுமுறை விடப்பட்ட நிலையில், அதனை ஈடு செய்ய நாளை தமிழகம் முழுவதும் வேலை நாளாக அறிவிக்கப்பட்டுள்ளது என்பது குறிப்பிடத்தக்கது.
