தமிழகத்தின் பழம்பெரும் கோவில்களில் உள்ள பழங்கால சிலைகள் பலவற்றை சிலை திருட்டு கும்பல் களவாடி சென்றபோது அவற்றை கண்டுபிடித்து மீட்க சிலை கடத்தல் பிரிவு சிறப்பு அதிகாரியாக பணியமர்த்தப்பட்டவர் பொன்.மாணிக்கவேல். இதுவரை வெளிநாடுகளிலும், வெளி மாநிலங்களிலும் இருந்த தமிழக சிலைகள் பலவற்றை மீட்டுக் கொண்டு வந்துள்ளார் பொன்.மாணிக்கவேல்.
தற்போது ஆஸ்திரேலியா அருங்காட்சியகத்தில் உள்ள தமிழக சிலைகள் கண்டுபிடிக்கப்பட்டுள்ளதாகவும், அவற்றை ஆஸ்திரேலிய பிரதமர் இந்திய பிரதமர் மோடியை சந்தித்து திரும்ப வழங்க இருப்பதாகவும் பொன்.மாணிக்கவேல் கூறியிருந்தார்.
