நாட்டில் கொரோனா பாதிப்பை தடுக்கும் பொருட்டு பிரதமர் மோடியின் வேண்டுகோளை ஏற்று நாடு முழுவதும் மக்கள் சுய ஊரடங்கை செயல்படுத்தியுள்ளனர். மருந்துகடைகள், மருத்துவமனைகள் தவிர அனைத்து கடைகள், வளாகங்களும் மூடப்பட்டுள்ளன. மக்களை வீட்டை விட்டு வெளியேறாமல் இருக்க அரசு அறிவித்துள்ளது.
சென்னையில் வீடற்ற மக்களை சமூக நலக்கூடங்களில் தங்க வைத்து உணவளிக்க மாநகராட்சிக்கு சென்னை நீதிமன்றம் உத்தரவிட்டுள்ளது. அதன்படி பலரை மாநகராட்சி நிர்வாகம் தங்க வைத்து உணவு வழங்கியுள்ளது. இருப்பினும் இதுபோன்ற நாட்டின் செயல்பாடுகள் குறித்து ஏதும் அறியாத சில ஆதரவற்றோர் இன்னமும் சாலைகளிலேயே தங்கள் பொழுதுகளை கழித்து வருகின்றனர்.
