தமிழக முதலமைச்சர் மு க ஸ்டாலினை அவருடைய ஆழ்வார்பேட்டை இல்லத்தில் பாமக தலைவராக தேர்வு செய்யப்பட்ட அன்புமணி ராமதாஸ் சந்தித்துள்ளார். இந்த சந்திப்பு அரசியல் வட்டாரத்தில் பெரும் பரப்பரப்பை ஏற்படுத்தியுள்ளது
நேற்று பாமக தலைவராக அன்புமணி ராமதாஸ் ஒருமனதாக தேர்வு செய்யப்பட்டார். இதனையடுத்து அவருக்கு பல்வேறு அரசியல் கட்சி தலைவர்கள் வாழ்த்து தெரிவித்தனர்
இந்த நிலையில் பாமக தலைவராக தேர்வு செய்யப்பட்ட அன்புமணி ராமதாஸ் இன்று முதலமைச்சர் மு க ஸ்டாலின் அவர்களை சந்தித்தார். இந்த சந்திப்பின் போது முன்னாள் பாமக தலைவர் ஜிகே மணி மற்றும் முன்னாள் மத்திய அமைச்சர் மூர்த்தி ஆகியோர் உடனிருந்தனர்
பாமக தலைவராக புதிதாக தேர்வு செய்யப்பட்டதை அடுத்து முதல்வரை சந்தித்து அவரிடம் அன்புமணி வாழ்த்து பெற்றதாக கூறப்படுகிறது
அதிமுக கூட்டணியில் இருக்கும் பாமக, திமுக தலைவரும் முதலமைச்சருமான மு க ஸ்டாலின் அவர்களை சந்தித்து வாழ்த்து பெற்று இருப்பது கூட்டணி மாற்றத்திற்கான அறிகுறி என்று அரசியல் பார்வையாளர்கள் கருத்து தெரிவித்து வருகின்றனர்
