நடிகை நமிதா நடைபெறவுள்ள பாராளுமன்ற தேர்தலில் பாஜக வேட்பாளர்களை ஆதரித்து தமிழகம் முழுவதும் பிரச்சாரம் செய்து வருகிறார். அந்த வகையில் அவர் சற்றுமுன் செய்தியாளர்களை சந்தித்தபோது விஜய் அரசியல் எண்ட்ரி குறித்த கேள்விக்கு விஜய் ரொம்ப புத்திசாலி, விஜய் மாதிரி ஒரு புத்திசாலி நமக்கு அரசியல் போட்டி ஆக இருப்பது ஆரோக்கியமானது, ரொம்ப நல்லது என்று தெரிவித்தார்.
மேலும் தமிழ்நாட்டில் உள்ள திமுக உள்பட எந்த கட்சி தலைவர்களும் தமிழகத்தில் உள்ள 234 தொகுதிகளுக்கும் சென்று அந்த தொகுதி மக்களுக்கு என்ன தேவை என்பதை இதுவரை கேட்டதே இல்லை என்றும் ஆனால் பாஜக தலைவர் அண்ணாமலை மட்டுமே அனைத்து தொகுதிகளுக்கும் சென்று மக்களை நேரில் சந்தித்து அவர்களுடைய குறைகளை கேட்டு அறிந்தார் என்றும் தெரிவித்தார்.
