கொரோனா பாதிப்பு அதிகரித்து வரும் நிலையில் தமிழகத்தில் உள்ள அரசு மருத்துவ கல்லூரிகளில் வெண்டிலேட்டர் மற்றும் மருத்துவ உபகரணங்களை ஏற்பாடு செய்யும் பணி தீவிரப்படுத்தப்பட்டுள்ளது. கரூரில் தொடங்கப்பட்டுள்ள அரசு மருத்துவ கல்லூரி மருத்துவமனைக்கும் வெண்டிலேட்டர்கள் தேவைப்படுவதால் எம்பி ஜோதிமணி பாராளுமன்ற உறுப்பினர் மேம்பாட்டு நிதியின் மூலம் நிதி ஒதுக்கியுள்ளார்.
இந்நிலையில் அரவக்குறிச்சி எம்.எல்.ஏ செந்தில்பாலாஜி தனது தொகுதி மேம்பாட்டு நிதியிலிருந்து வெண்டிலேட்டர்கள் வாங்க நிதி ஒதுக்கி ஆட்சியருக்கு கடிதம் அனுப்பியிருந்தார். முதலில் ஏற்றுக்கொண்ட ஆட்சியர் அலுவலகம் பிறகு, தொகுதி மேம்பாட்டு நிதியை அரவக்குறிச்சிக்குள் மட்டுமே பயன்படுத்த முடியும் என கூறி நிராகரித்துவிட்டது.
