திமுக தலைவர் மு.க.ஸ்டாலினின் 67வது பிறந்தநாள் விழா தமிழகம் முழுவதும் திமுகவினரால் கொண்டாடப்பட்டது. திமுக பொது செயலாளரும், மூத்த தலைவருமான க.அன்பழகன் உடல்நலக் குறைவால் மருத்துவமனையில் சிகிச்சை பெற்று வருவதால் தன்னை யாரும் நேரில் சந்தித்து வாழ்த்து கூற வேண்டாம் என மு.க.ஸ்டாலின் தெரிவித்திருந்தார்.
ஆனால் திமுகவினர் வழக்கம் போல மு.க.ஸ்டாலினை வாழ்த்தி போஸ்டர்கள் ஒட்டியும், கேக் வெட்டியும் கொண்டாடினார்கள். அதில் ஒரு போஸ்டர்தான் தற்போது வைரலாகியுள்ளது. சுவர் மீது மடித்து ஒட்டப்பட்ட அந்த போஸ்டரில் “எங்கள் கழக தலைவர் தமிழ் மக்கு” என்று இருக்கிறது. இதை பலர் கேலி செய்து சமூக வலைதளங்களில் பதிவிட்டுள்ளனர்.
