காலச்சுவடு என்ற இதழை கடந்த 1987 ஆம் ஆண்டு முதல் நடத்தி வரும் கண்ணன் இடையில் சில ஆண்டுகள் நிறுத்தினாலும் கடந்த 1994ம் ஆண்டு மீண்டும் தொடங்கினார். இலக்கியம், சுற்றுச்சூழல், பெண்ணியம் மொழிபெயர்ப்பு ஆகியவை இந்த இதழில் வெளியாகி வருகின்றன
இந்த நிலையில் காலச்சுவடு கண்ணனுக்கு செவாலியே விருது அறிவிக்கப்பட்டதை அடுத்து உலக நாயகன் கமல்ஹாசன் அவருக்கு வாழ்த்து தெரிவித்துள்ளார். அவர் கூறியிருப்பதாவது: தமிழின் மிகச் சிறந்த பதிப்பாளர்களுள் ஒருவரான காலச்சுவடு கண்ணன் அவர்களுக்கு பிரான்ஸ் அரசு வழங்கும் ‘செவாலியே’ விருது அறிவிக்கப்பட்டுள்ளது. கண்ணனுக்கு மனமார்ந்த வாழ்த்துக்கள். தமிழைக் கெளரவிக்கும் ஃப்ரெஞ்சுக்குப் பாராட்டுக்கள்.
