நாடு முழுவதும் ஊரடங்கு அமலில் உள்ள நிலையிலும் நாளுக்கு நாள் பல மாநிலங்களில் கொரோனா பாதிப்புகள் அதிகரித்து வருகிறது. முக்கியமாக மகாராஷ்டிரம், தமிழகம் உள்ளிட்ட சில மாநிலங்களில் பாதிப்பு மிகவும் அதிகரித்துள்ளது.
இதுகுறித்து ட்விட்டரில் கருத்து தெரிவித்துள்ள மக்கள் நீதி மய்யம் கமல்ஹாசன் “முன்னேற்றத்தில் முதலிடத்தில் இருக்க வேண்டிய தமிழகம் பின்னடைவில் முதலிடத்தை நோக்கி நகர்கிறது. கொரோனா பாதிப்பில் 8ம் இடத்திலிருந்து 2ம் இடத்தை எட்டிப் பிடித்து விட்டது. காசுக்கு மட்டும் ஆசைப்பட்டு, மதுக்கடைகளை திறக்க நீதிமன்றத்தில் வாதாடிக் கொண்டிருக்கிறது அரசு.” என்று கூறியுள்ளார்.
