முதல்வர் மு.க.ஸ்டாலின் மகனான உதயநிதி ஸ்டாலின் திரைப்பட தயாரிப்பாளராகவும், நடிகராகவும் இருந்து வந்தார். பின்னர் கட்சி செயல்பாடுகளில் தீவிரமாக இயங்க தொடங்கிய அவருக்கு திமுக இளைஞரணி செயலாளர் பதவி வழங்கப்பட்டது. பின்னர் நடந்து முடிந்த சட்டமன்ற தேர்தலில் சேப்பாக்கம் தொகுதியில் போட்டியிட்டு எம்.எல்.ஏவாகவும் ஆனார் உதயநிதி ஸ்டாலின்.
இந்நிலையில் “உதயநிதி அமைச்சராக வேண்டும் என மக்கள் விரும்புகிறார்கள்” என அமைச்சர் அன்பில் மகேஷ் தெரிவித்திருந்தார். தற்போது கே.என்.நேரு ”உதயநிதிக்கு அமைச்சராக ஆவதற்கு தகுதி உள்ளது. அவர் அமைச்சர் ஆவதை நாங்களும் வரவேற்கிறோம்” என பேசியுள்ளார். இதனால் உதயநிதிக்கு அமைச்சர் பதவி வழங்கப்படுமா என்பது குறித்து அரசியல் வட்டாரத்தில் பேச்சு எழுந்துள்ளது.
