மக்களவை தேர்தல் நெருங்கி வரும் நிலையில் தேசிய கட்சிகள், மாநில கட்சிகள் கூட்டணி தொடர்பான பேச்சுவார்த்தையில் தீவிரம் காட்டி வருகின்றன. தேமுதிகவில் தலைவர் விஜயகாந்த் மறைந்த நிலையில் அவரது பொறுப்பை ஏற்றுக் கொண்டுள்ள பிரேமலதா விஜயகாந்த் தேர்தல் கூட்டணி குறித்து காய்களை நகர்த்தி வருகிறார்.
ஆனால் இந்த பேச்சுவார்த்தையில் தொகுதி பங்கீடு, மாநிலங்களை எம்பி சீட் விவகாரத்தில் இரு தரப்பிலும் சுமூகநிலை எட்டப்படவில்லை என பேசிக் கொள்ளப்படுகிறது. இதற்கிடையே தமிழக பாஜக தொடர்ந்து தேமுதிகவுடன் கூட்டணிக்கு சிக்னல் காட்டி வருவதாக கூறப்படும் நிலையில், இன்று பாஜகவுடனான பேச்சுவார்த்தையில் தேமுதிக ஈடுபட வாய்ப்புகள் உள்ளதாக அரசியல் வட்டாரத்தில் பேசிக் கொள்ளப்படுகிறது.
