நாகர்கோவிலை சேர்ந்த நியூ தியேட்டர் உரிமையாளர் டேவிட் என்பவர், நீதிமன்றத்தில் தாணுவுக்கு எதிராக வழக்கு தொடர்ந்திருந்தார். தாணு தனக்கு தரவேண்டிய ரூ.2 லட்சம் பணத்தை இதுவரை திருப்பி தரவில்லை என அவர் கடந்த ஜூலை மாதம் சென்னை உயர் நீதிமன்றத்தில் வழக்கு தொடர்ந்தார்.
இந்த வழக்கை விசாரித்த நீதிமன்றம், தாணு அப்பணத்தை வட்டியுடன் திருப்பி அளிக்க வேண்டும் என உத்தரவிட்டது. ஆனாலும், தாணு டேவிட்டிற்கு பணத்தை கொடுக்கவில்லை.
எனவே, இதுபற்றி நாகர்கோவில் நீதிமன்றத்தில் டேவிட் மனு தாக்கல் செய்தார். நீதிமன்றம் கூறியும் பணத்தை கொடுக்காத தாணுவை வருகிற 28ம் தேதிக்குள் கைது செய்து நீதிமன்றத்தில் ஆஜர்படுத்த வேண்டும் என நீதிமன்றம் உத்தரவிட்டுள்ளது.
