தமிழகம் முழுவதும் பல மாவட்டங்களில் கொரோனா பாதிப்புகள் இருந்தாலும் சென்னை மிகவும் மோசமான அளவில் பாதிப்புகளை சந்தித்து வருகிறது. இதுவரை சென்னையில் 20,993 பேர் கொரோனாவால் பாதிக்கப்பட்டுள்ள நிலையில் 197 பேர் உயிரிழந்துள்ளனர். 10,502 பேர் குணமடைந்துள்ள நிலையில் 10,066 பேர் சிகிச்சை பெற்று வருகின்றனர்.
இந்நிலையில் சென்னையின் ஐந்து மண்டலங்களில் பாதிப்பு எண்ணிக்கை 2 ஆயிரத்தை தாண்டியுள்ளது. அதிகபட்சமாக ராயபுரத்தில் கொரோனா பாதிப்பு 3,717 ஆக உள்ளது. தண்டையார்பேட்டையில் 2,646 பேரும், தேனாம்பேட்டையில் 2,374 பேரும், கோடம்பாக்கத்தில் 2,323 பேரும், திருவிக நகரில் 2,073 பேரும் அதிகபட்சமாக கொரோனா பாதிப்புக்கு உள்ளாகியுள்ளனர்.
