சென்னை தாம்பரம் நகராட்சி சார்பில் பம்மல் என்ற இடத்தில் செயல்பட்டு வரும் அம்மா உணவகத்தில் இன்று காலை திடீரென சீலிங் விழுந்தது. இதனால் அங்கு பணிபுரிந்து கொண்டிருந்த பெண் ஒருவர் படுகாயம் அடைந்தார். காயம் அடைந்த பெண், அம்மா உணவகத்தை சுத்தம் செய்து கொண்டிருந்ததாகவும், இன்னும் சில பெண்கள் உள்ளே உணவுகளை தயார் செய்து கொண்டிருந்ததாகவும் தெரிகிறது.
அப்போது உணவகத்தின் மேல் உள்ள சீலிங் திடீரென பயங்கர சட்டத்துடன் இடிந்து விழுந்தது. அப்போது துப்புரவு செய்து கொண்டிருந்த உமா என்ற பெண் படுகாயம் அடைந்ததை அடுத்து, உடனடியாக அவர் மருத்துவமனையில் அனுமதிக்கப்பட்டுள்ளார். அவருக்கு சிகிச்சை அளிக்கப்பட்டு வருகிறது.
