தமிழகத்தில் நகராட்சி, மாநகராட்சி, பேரூராட்சி பகுதிகளில் பிப்ரவரி 19ம் தேதியன்று ஒரே கட்டமாக உள்ளாட்சி தேர்தல் நடைபெற உள்ளது. இந்த தேர்தலுக்கான வேட்புமனு தாக்கல் கடந்த ஜனவரி 27ம் தேதி தொடங்கி 4ம் தேதி வரை நடைபெற்றது. இதில் கட்சிகள், சுயேச்சைகள் என மொத்தம் 74,416 வேட்புமனுக்கள் பெறப்பட்டுள்ளன.
ஒரு வார்டில் ஒரு நபர் மட்டுமே வேட்புமனு அளிக்கும் பட்சத்தில் போட்டிக்கு ஆள் இல்லாத்தால் வேட்புமனு அளித்த ஒரு நபர் கவுன்சிலராக தேர்வு செய்யப்படுவர். அந்த வகையில் 10 சுயேட்சை வேட்பாளர்களும், 1 பாஜக வேட்பாளரும் வெற்றிப் பெற்றுள்ளனர். இதன்மூலம் பாஜக உள்ளாட்சி தேர்தலில் தனது முதல் வெற்றியை தொடங்கியுள்ளது.
