தமிழகத்தில் திமுக வெற்றி பெற்று ஆட்சி பொறுப்பை ஏற்றிருக்கும் நிலையில் அமைச்சர்கள் ஏற்கனவே பதவி ஏற்று விட்டனர். இந்த நிலையில் பிச்சாண்டி எம்எல்ஏ அவர்கள் தற்காலிக சபாநாயகராக நியமனம் செய்யப்பட்டு உள்ளார் என்பதும் இவர் வரும் திங்கட்கிழமை சபாநாயகர் பதவி ஏற்றுக்கொண்டு எம்எல்ஏக்களுக்கு பதவிப் பிரமாணம் செய்து வைப்பார் என்றும் தகவல்கள் வெளிவந்துள்ளன
இந்த நிலையில் மே 12ஆம் தேதி சபாநாயகர் மற்றும் துணை சபாநாயகர் தேர்வு நடைபெற உள்ளது. இதில் சபாநாயகராக தேர்வு செய்யப்படுபவர் யாராக இருக்கும் என்ற செய்தி கசிந்து வரும் நிலையில் தற்போது வெளிவந்துள்ள தகவலின்படி ராதாபுரம் சட்டமன்ற உறுப்பினர் அப்பாவு சபாநாயகராக தேர்ந்தெடுக்கப்படுவார் என தகவல் வெளிவந்துள்ளது
