வரும் மக்களவை தேர்தலில் 40 தொகுதிகளிலும் போட்டியிடும் தினகரன் கட்சியான அமமுகவுக்கு அடிமேல் அடிவிழுந்து வருகிறது. இரட்டை இலை சின்னம் இல்லை, குக்கர் சின்னம் இல்லை ஆகியவற்றோடு அனைத்து வேட்பாளர்களுக்கும் பொதுச்சின்னமாவது கிடைக்குமா? அல்லது ஒவ்வொருவருக்கும் ஒவ்வொரு சின்னமா? என்பதே இனிமேல் தான் தெரியும்
இந்த நிலையில் கனிமொழியும், தமிழிசையும் போட்டியிடும் தொகுதியான தூத்துகுடி தொகுதியில் போட்டியிடும் அமமுக வேட்பாளர் புவனேஸ்வரன் இந்த தொகுதியில் கனிமொழியை ஒன்றரை கோடி வாக்கு வித்தியாசத்தில் தோற்கடிப்பேன் என்று கூட்டம் ஒன்றில் பேசியுள்ளார். பின்னர் அவர் அருகில் இருந்த ஒருவர் இந்த தொகுதியில் மொத்தமே 14 லட்சம் வாக்காளர்கள்தான் இருப்பதாக கூறியதும், 'மன்னிக்கவும், ஒன்றரை லட்சம் வாக்கு வித்தியாசத்தில் ஜெயிப்பேன்' என்று கூறி சமாளித்தார்.
