இந்தியாவை பொருத்த வரை கொரோனாவால் உயிரிழந்தவர்களின் எண்ணிக்கை 17ஆக உயர்ந்துள்ளது. மேலும், கொரோனா உறுதி செய்யப்பட்டோரின் எண்ணிக்கை 700-ஐ கடந்துள்ளது. இந்நிலையில் தமிழகத்தில் மேலும் 6 பேருக்கு கொரோனா பாதிப்பு உறுதி செய்யப்பட்டுள்ளது.
மதுரையில் ஏற்கனவே கொரோனா தொற்று இருந்தவரின் குடும்பத்தில் மேலும் இருவருக்கும், ஈரோடு மற்றும் சென்னையில் தலா இருவரும் என 6 பேருக்கு கொரோனா பாதிப்பு உறுதியாகியுள்ளதால் தமிழகத்தில் கொரோனாவால் பாதிக்கப்பட்டோர் எண்ணிக்கை 35 ஆக உயர்ந்துள்ளது.
இந்நிலையில், புதியதாக 200 ஆம்புலன்ஸுகள் பயன்பாட்டுக்கு கொண்டு வர உத்தரவிட்டுள்ளார்.
மேலும், காலிப்பணியிடங்களை நிரப்பும் வகையில் 530 மருத்துவர்கள் நியமனம் செய்யவும், 1,000 செவிலியர்கள், மற்றும் 1508 லேப்-டெக்னீசியன்கள் நியமனம் செய்ய முதலமைச்சர் உத்தரவிட்டுள்ளார்.
