நாடு முழுவதும் ஏழு கட்டங்களாக மக்களவைத் தேர்தல் ஏழு கட்டங்களாக நடந்து முடிந்துள்ளது. இந்நிலையில் தேர்தல் விதிமுறைகள் நடைமுறையில் இருந்ததால் கருத்துக் கணிப்புகளுக்கு தடை விதித்திருந்த நிலையில் நேற்று வாக்குப்பதிவுக்குப் பின்னர் தேசிய ஊடகங்கள் போட்டி போட்டுக்கொண்டு தங்களது எக்சிட்போல் கருத்துக்கணிப்புகளை வெளியிட்டு வருகின்றன.
இதனையடுத்து இந்தக் கருத்துக்கணிப்புகளுக்கு ஆதரவாகவும் எதிராகவும் விமர்சனங்கள் எழுந்துள்ளன. இந்நிலையில் ஆன்லைன் உணவக நிறுவனமான சொமாட்டோ யார் அடுத்த பிரதமர் என்பதை சரியாகக் கணித்து சொல்லும் வாடிக்கையாளர்களுக்கு சிறப்பு ஆஃபர் ஒன்றை அறிவித்துள்ளது. அதன்படி வாடிக்கையாளர்கள் சொமாட்டோ தேர்தல் லீக் போட்டியில் கலந்துகொண்டு இந்த ஆஃபர்களை பெற முடியும். சரியாகக் கணித்த வாடிக்கையாளர்களுக்கு 40 சதவீதம் பணம் திரும்ப சொமாட்டோ வாலட்டிற்கு அனுப்பப்படும்.
