இந்த நிலையில் கடந்த 12ம் தேதி சிவகுமாருக்கு திடீரென நெஞ்சுவலி ஏற்பட்டது. இதனையடுத்து அவர் மருத்துவமனையில் அனுமதிக்கப்பட்டார். மருத்துவர்கள் அவரை பரிசோதனை செய்து அவருடைய உடல்நிலை மிகவும் மோசமாக இருப்பதாகவும் இன்னும் சில காலம் மட்டுமே அவர் வாழ்வதற்கு வாய்ப்பு இருப்பதாகவும் கூறியதால் மனைவி சிந்துஜா கடும் அதிர்ச்சி அடைந்தார்
இந்த நிலையில் கணவரின் உடல்நிலை குறித்து ஆழ்ந்த கவலையில் இருந்த சிந்துஜா ஒரு கட்டத்தில் மனம் வெறுத்து வீட்டில் தூக்கு மாட்டி தற்கொலை செய்து கொண்டார். கணவனுக்கு முன்னால் தான் தீர்க்க சுமங்கலியாக செல்ல வேண்டும் என்றும் விதவையாக தான் வாழ விரும்பவில்லை என்று உறவினர்களிடம் அவர் கூறியதாகவும் விசாரணையில் தெரிய வந்துள்ளது. இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்
