இந்த விவகாரத்தில் இந்திய அரசும் விளக்க அறிக்கை ஒன்றை வெளியிட்டது. எனினும் நபிகள் குறித்து அவதூறாக பேசிய நுபுர் சர்மாவை கைது செய்ய வேண்டும் என்றும், சட்டநடவடிக்கை எடுக்க வேண்டும் என்றும் பஞ்சாப், மகாராஷ்டிரா, டெல்லி உள்ளிட்ட பல வட மாநிலங்களில் இஸ்லாமிய மக்கள் பலர் இன்று போராட்டத்தில் ஈடுபட்டுள்ளனர்.
உத்தர பிரதேசத்தின் அட்டாலா பகுதியில் போராட்டக்காரர்களுக்கும், போலீஸாருக்கும் இடையே மோதல் எழுந்த நிலையில் இருதரப்பிலும் கற்களை வீசி தாக்கிக் கொண்ட சம்பவம் பரபரப்பை ஏற்படுத்தியுள்ளது. பஞ்சாப் மாநிலம் லூதியானாவில் நுபுர் சர்மாவின் உருவ பொம்மையை எரித்து பலர் போராட்டம் நடத்தியுள்ளனர்.
