ரயில்வே பட்ஜெட்டில் அறிவித்த 58 புதிய ரயில்களின் பட்டியல்
செவ்வாய், 8 ஜூலை 2014 (20:05 IST)
2014-15ஆம் ஆண்டில் தமிழகத்தில் நான்கு ரயில்கள் உட்பட 58 புதிய ரயில்களை அறிமுகம் செய்ய ரயில்வே திட்டமிட்டுள்ளது. ஷாலிமார் - சென்னை, ஜெய்பூர் - மதுரை, அகமதாபாத் - சென்னை, விசாகப்பட்டினம் - சென்னை ஆகியவையே தமிழகம் பெற்ற புதிய ரயில்கள் ஆகும். இவை அல்லாமல், வேளாங்கண்ணிக்கும், மேல்மருவத்தூருக்கும் விழாக்கால சிறப்பு ரயில்கள் விடப்படும்.
5 ஜன சாதாரண ரயில்கள், 5 பீரிமியம் ரயில்கள், 6 குளிர்சாதன வேக ரயில்கள், 27 துரித ரயில்கள் 8 பேசஞ்சர் ரயில்கள், மெயின் பாதையில் 2 மின்சார ரயில் சேவை, 5 டீசல் ரயில் சேவைகள் ஆகியவை இதில் அடங்கும். நாடாளுமன்றத்தில் இன்று ரயில்வே பட்ஜெட்டைச் சமர்ப்பித்த ரயில்வே அமைச்சர் சதானந்த கௌடா இதை அறிவித்தார்.
மேலும், இப்போதுள்ள பதினோரு ரயில்களின் சேவை நீட்டிக்கப்படுவதாகவும் அவர் கூறினார். விசேஷ மற்றும் திருவிழா காலங்களில் அதிகரிக்கும் தேவையை இவை எதிர் கொள்ளும். மேல்மருவத்தூர், வேளாங்கன்னி, ஜலவார் போன்ற கோயில் திருவிழாக் காலங்களிலும் விடுமுறை தினங்களிலும் அதிகரிக்கும் பயணிகளின் போக்குவரத்து நெரிசலைச் சமாளிக்க விடப்படும் சிறப்பு ரயில் சேவை தொடரும் என்றும் அவர் கூறினார்.
அறிமுகம் செய்யப்பட உள்ள புதிய ரயில் சேவை:-
1. ஜன சாதாரண ரயில் சேவை
2. அகமதாபாத் - தர்பங்கா துரித ரயில் (வழி சூரத்)
3. ஜெய் நகர் மும்பை
4. மும்பை கோரக்பூர்
5. சஹராசா - ஆனந்த் விகார் (வழி மோதிகாரி)
6. சஹராசா - அம்ரித்சர்
பீரிமியம் ரயில் சேவை:-
1. ஷாலிமார் - சென்னை
2. மும்பை சென்ட்ரல் - புது தில்லி
3. ஜெய்பூர் - மதுரை
4. சகெந்திராபாத் - ஹசரத் நிஜாமுதின்
5. காமாக்கியா - பெங்களுரு
குளிர்சாதன துரித ரயில்கள்:-
1. விஜயவாடா - புது தில்லி (தினசரி)
2. லோக்மான்ய திலக் - லக்னோ (வாராந்திரம்)
3. நாக்பூர் - பூனே (வாராந்திரம்)
4. நாக்பூர் - அம்ரித்சர் (வாராந்திரம்)
5. நகர்லகுன் - புது தில்லி (வாராந்திரம்)
6. நிஜாமுதின் - புனே (வாரந்திரம்)
துரித ரயில்கள்:-
1. அகமதாபாத் - சென்னை (வாரம் இரு முறை) (வழி வசாய் சாலை)
