பிரதமர் மோடி தைவானில் இருந்து இறக்குமதி செய்யப்பட்ட விலை உயர்ந்த காளான் சாப்பிடுவதாகவும், இதனால் மாதம் 1 கோடியே 20 லட்சம் ரூபாய் செலவாகிறது என குஜராத்தில் காங்கிரஸ் கட்சியுடன் கூட்டணி வைத்துள்ள அல்பேஸ் தாக்கூர் கூறியுள்ளார்.
குஜராத்தில் ஆளும் பாஜகவை தோற்கடிக்க காங்கிரஸ் கூட்டணி தீவிர பிரச்சாரத்தில் ஈடுபட்டுள்ளது. குஜராத்தில் நடந்த தேர்தல் பேரணியில் பேசிய கூட்டணி கட்சியை சேர்ந்த அல்பேஸ் தாக்கூர், பிரதமர் மோடி தைவானிலிருந்து இறக்குமதி செய்யப்பட்ட காளான் சாப்பிடுகிறார் எனவும் ஒரு காளானின் விலை 80 ஆயிரம் ரூபாய் எனவும் சிலர் என்னிடம் கூறினர்.
கடந்த 35 வருடத்திற்கு முன்னர் உள்ள மோடியின் புகைப்படத்தை பார்த்துள்ளேன். அப்போது கருப்பாக இருந்த மோடி தற்போது அழகாக மாறியுள்ளார். தினமும் 4 லட்சம் ரூபாய் மதிப்புள்ள காளான் சாப்பிடும் பிரதமரால் மாதம் 1 கோடியே 20 லட்சம் ரூபாய் செலவாகிறது. அவரால் சாதாரண உணவை சாப்பிட முடியாது. இது கேலிக்கூத்தானது. இதற்கு அவர் பதிலளிக்க வேண்டும் என அல்பேஸ் தாக்கூர் கூறியுள்ளார்.
