மத்திய அரசின் பரிந்துரையின் அடிப்படையில் வரும் நவம்பர் 25ஆம் தேதி முதல் டிசம்பர் 25ஆம் தேதி வரை குளிர்கால கூட்டத் தொடர் மக்களவை, மாநிலங்களவை ஆகிய இரண்டு அவைகளையும் கூட்டக் குடியரசுத் தலைவர் ஒப்புதல் அளித்துள்ளதாக அமைச்சர் கிரண் ரிஜிஜு தெரிவித்துள்ளார்.
ஜம்மு காஷ்மீர், ஹரியானா மாநிலங்களின் தேர்தல் நடைபெற்ற பிறகு நடைபெறும் முதல் கூட்டம் என்பதால் இந்த கூட்டம் பரபரப்பை ஏற்படுத்தும் என்று எதிர்பார்க்கப்படுகிறது. அதுமட்டுமன்றி, இந்த கூட்டத் தொடர் தொடங்குவதற்கு முன்பே மகாராஷ்டிரா மற்றும் ஜார்கண்ட் மாநிலங்களிலும் தேர்தல் முடிந்துவிடும் என்பது குறிப்பிடத்தக்கது.
இந்த கூட்டத் தொடரில் வக்பு வாரிய திருத்த மசோதா, "ஒரே நாடு ஒரே தேர்தல்" மசோதா உள்ளிட்டவை தாக்கல் செய்ய வாய்ப்பு இருப்பதாகவும் இதனால் காரசாரமான எதிர்க்கட்சிகள் விவாதங்கள் நடைபெற வாய்ப்பு இருப்பதாகவும் கூறப்படுகிறது.
