சமீபத்தில் நடந்த கர்நாடக மாநில சட்டமன்ற தேர்தலில் மொத்தமுள்ள 224 தொகுதிகளில் 104 தொகுதிகளில் வெற்றி பெற்ற பாஜகவால் எட்டு எம்.எல்.ஏக்கள் குறைவாக இருந்ததால் ஆட்சி அமைக்க முடியவில்லை. ஆனால் அனைத்து தொகுதிகளிலும் போட்டியிட்டு வெறும் 37 தொகுதிகளில் மட்டுமே வெற்றி பெற்ற ஜனதாதள் கட்சி காங்கிரஸ் ஆதரவுடன் ஆட்சி அமைத்தது.
இந்த நிலையில் நேற்று ஹசனில் நடந்த கூட்டத்தில் முன்னாள் முதல்வர் சித்தராமையா பேசியபோது, 'மக்களின் ஆசி கிடைத்தால் மீண்டும் கர்நாடக முதல்வராவேன். 2வது முறையாக முதல்வராவதை எதிர்க்கட்சிகள் கைகோர்த்து தடுத்துவிட்டதால் எதிர்பாராதவிதமாக என்னால் முதல்வராக முடியவில்லை, ஆனால் அதுவே இறுதியல்ல' என்று கூறியுள்ளது கர்நாடக அரசியலில் சலசலப்பை ஏற்படுத்தியுள்ளது.
