பகுஜன் சமாஜ் கட்சியின் தமிழக தலைவர் ஆம்ஸ்ட்ராங் கொலை செய்யப்பட்ட சம்பவத்திற்கு, காங்கிரஸ் எம்.பி ராகுல் காந்தி தனது ஆழ்ந்த இரங்கலை தெரிவித்துக் கொண்டுள்ளார்.
பகுஜன் சமாஜ் கட்சியின் தமிழக தலைவர் ஆம்ஸ்ட்ராங் சென்னையில் நேற்று படுகொலை செய்யப்பட்டார். இந்த சம்பவத்திற்கு பல்வேறு அரசியல் கட்சித் தலைவர்கள் கடும் கண்டனம் தெரிவித்து வருகின்றனர். ஆம்ஸ்ட்ராங்கின் ஆதரவாளர்களும் போராட்டத்தில் ஈடுபட்டு வருகின்றனர்.
இந்நிலையில் பகுஜன் சமாஜ் கட்சியின் தமிழ்நாடு தலைவரான ஆம்ஸ்ட்ராங் கொடூரமான மற்றும் அருவருப்பான முறையில் கொல்லப்பட்டது ஆழ்ந்த அதிர்ச்சியை ஏற்படுத்தியுள்ளது என்று தனது எக்ஸ் பக்கத்தில் காங்கிரஸ் எம்.பி ராகுல் காந்தி தெரிவித்துள்ளார்.
அவரது குடும்பத்தினருக்கும், நண்பர்களுக்கும், ஆதரவாளர்களுக்கும் தனது ஆழ்ந்த இரங்கலை தெரிவித்துக் கொண்டுள்ள அவர், தமிழக காங்கிரஸ் தலைவர்கள் தமிழக அரசுடன் தொடர்ந்து தொடர்பில் உள்ளனர் என்று குறிப்பிட்டுள்ளார்.
