கேரள மாநிலம் திருச்சூர் பகுதியில் வாலிபர் ஒருவருக்கும், இளம்பெண்ணுக்கும் கடந்த மாதம் 25ம் தேதி திருமணம் நடந்துள்ளது. இந்நிலையில் மறுநாள் இருவரும் பணம் எடுக்க வங்கி சென்றபோது போன் பேசிவிட்டு வருவதாக வெளியே சென்ற இளம்பெண் மாயமானார்.
பின்னர் மணமகளும், அவர் தோழியும் மதுரையில் தங்கியிருப்பது தெரிந்து அங்கு சென்ற போலீஸார் மற்றும் பெற்றோர்கள் அவர்களை அங்கிருந்து அழைத்து வந்துள்ளனர். விசாரணையில் இருவரும் கல்லூரி காலத்திலிருந்தே நெருக்கமாக பழகி வந்ததும், திருமணத்தில் கிடைக்கும் பணத்தை வைத்து தப்பி சென்று சேர்ந்து வாழ திட்டமிட்டதும் தெரிய வந்துள்ளது. அதை தொடர்ந்து அவர்களுக்கு ஆலோசனை வழங்கிய போலீஸார் அவர்களை அவரவர் குடும்பத்துடன் திரும்ப அனுப்பியுள்ளனர்.
