உலக பொருளாதாரத்தில் வளர்ந்த மற்றும் வளரும் 20 நாடுகள் சேர்ந்த அமைப்பு ஜி20 எனப்படுகிறது. இந்த அமைப்பில் அமெரிக்கா, இங்கிலாந்து, ஜெர்மனி, ஜப்பான் உள்ளிட்ட வளர்ந்த நாடுகளும், இந்தியா, இந்தோனேஷியா, அர்ஜெண்டினா, தென்னாப்பிரிக்கா உள்ளிட்ட வளர்ந்து வரும் நாடுகளும் என மொத்தம் 20 நாடுகள் உறுப்பினர்களாய் உள்ளன.
இதுகுறித்து மத்திய வெளியுறவுத்துறை அமைச்சகம் வெளியிட்டுள்ள அறிவிப்பில், ஜி20 அமைப்பின் தலைவராக மேற்கொள்ள வேண்டிய முயற்சிகள், நடவடிக்கைகள் குறித்து முடிவுகள் எடுக்கப்பட்டு வருவதாக தெரிவித்துள்ளது.
மேலும் வளரும் நாடுகளான இந்தியா. பிரேசில், இந்தோனேசியா நாடுகளை இணைத்து முக்கூட்டமைப்பு ஒன்றும் தொடங்கப்பட உள்ளது. இந்தியாவில் ஜி20 தொடர்பான கூட்டங்களை நடத்துவதற்கான இடத்தை தேர்வு செய்வதற்கான பணிகள் தொடங்கப்பட்டுள்ளதாகவும், அடுத்த ஆண்டு செப்டம்பரில் உச்சி மாநாடு டெல்லியில் நடைபெறும் என்றும் கூறப்பட்டுள்ளது.
