இந்தியாவின் முன்னணி ஆன்லைன் உணவு டெலிவரி செய்யும் சோமாட்டோ நிறுவனத்தின் சிஇஓ, தீபிந்திர் கோயல் என்பவர், தனது மனைவியுடன் குருகிராமில் உள்ள வாடிக்கையாளர் ஒருவருக்கு உணவை டெலிவரி செய்த வீடியோவை தனது சமூக வலைதளத்தில் வெளியிட்டுள்ளார்.
அந்த வீடியோவில் இருவரும் உணவுகளை எடுத்து பையில் போட்டு, பைக்கில் பயணம் செய்வது, வாடிக்கையாளர்களின் முகவரியை மொபைல் மூலம் உறுதி செய்வது, வாடிக்கையாளரிடம் உணவை ஒப்படைத்துவிட்டு, அவரிடம் சில நிமிடங்கள் பேசிக் கொண்டிருப்பது போன்ற காட்சிகள் உள்ளன.