இந்த நிலையில் இந்த சம்பவம் குறித்து தெலுங்கானா சட்டமன்றத்தில் முதலமைச்சர் ரேவந்த் ரெட்டி, அல்லு அர்ஜுன் மீது கடுமையாக விமர்சனம் செய்த நிலையில், அல்லு அர்ஜுன் இதற்கு தன்னுடைய புகழ் மற்றும் நற்பெயரை சீர்குலைக்கும் செயல்கள் நடைபெற்றுள்ளதாக குற்றம் சாட்டினார்.
இந்த நிலையில், நேற்று அல்லு அர்ஜுன் வீட்டின் முன் திடீரென மர்ம நபர்கள் உள்ளே புகுந்து அங்கிருந்த பூந்தொட்டிகளை உடைத்ததாகவும், அல்லு அர்ஜுன் வீட்டின் மீது கற்களை வீசி தாக்குதல் நடத்தியதாகவும் தெரிகிறது.
இந்த நிலையில், அல்லு அர்ஜுன் வீடு மீது நடத்தப்பட்ட தாக்குதல் சம்பவத்திற்கு தெலுங்கானா முதலமைச்சர் ரேவந்த் ரெட்டி கண்டனம் தெரிவித்துள்ளார். சட்டம் ஒழுங்கு விஷயத்தில் காவல்துறை கடுமையாக செயல்பட உத்தரவு பிறப்பித்து உள்ளதாகவும், இந்த விஷயத்தில் எந்த அலட்சியத்தையும் பொறுத்துக் கொள்ள முடியாது என்றும் அவர் தெரிவித்துள்ளார்.
