கள்ள ஓட்டுகளை தடுக்கவும், ஒரே வாக்காளர் பல இடங்களில் இடம்பெறுவதை தடுக்கவும் வாக்காளர் அடையாள அட்டையை ஆதார் எண்ணுடன் இணைக்க முடிவு செய்தது தேர்தல் ஆணையம். ஆனால், இந்த நடவடிக்கைக்கு உச்சநீதிமன்றம் தடை விதித்தது.
எனினும் இதை கைவிடாமல் தேர்தல் ஆணையம் மத்திய சட்ட அமைச்சகத்துக்கு கடந்த ஆகஸ்டு மாதம் வாக்காளர் அடையாள அட்டையை ஆதார் எண் இணைப்பு குறித்து விளக்கியும், இந்த இணைப்பிற்காக அனுமதி கோரியும் கடிதம் ஒன்றை எழுதியது.
