முதலில் களமிறங்கிய பெங்களூரு அணியில் டிவில்லியர்ஸ் (46) விராட் கோலி (41) கெய்ல் (21) அபாட் (14) என 19.5 ஓவர்களின் முடிவில் அனைத்து விக்கெட்டுகளையும் இழந்து 166 ரன்களை எடுத்திருந்தது. ஹைதராபாத் அணி தரப்பில் பவுல்ட் 3 விக்கெட்டுகளை வீழ்த்தினார். புவனேஷ் குமார், போபாரா தலா 2 விக்கெட்டுகளையும் வீழ்த்தினர். ஷர்மா, ஆஷிஷ் ரெட்டி, பிரவீண் குமார் ஆகியோர் தலா 1 வி்க்கெட்டையும் கைப்பற்றினர்.
இதைத் தொடர்ந்து, களமிறங்கிய சன்ரைஸர்ஸ் அணியில் வார்னர் 6 பவுண்டரிகள் மற்றும் 4 சிக்ஸர்களுடன் அரைசதம் அடித்தார் (57). வில்லியம்சன் 5 ரன்களுடன் ஆட்டமிழந்தார். தவான் மற்றும் ராகுலின் கூட்டணியில் அணியின் ஸ்கோர் விறுவிறுவென உயர்ந்தது. தவான் (50) ராகுல் (44) ரன்கள் எடுத்து ஆட்டமிழக்காமல் இருந்தனர். 17.2 ஓவர்களுக்குள்ளாகவே பெங்களூரு அணியை 8 விக்கெட் வித்தியாசத்தில் வீழ்த்தி அபார வெற்றி பெற்றது.