தற்போது, ஸ்டார் வார்ஸ் தி போர்ஸ் அவேகன்ஸ் என்ற பெயரில் 7-வது பாகம் தயாராகி வருகிறது. ஜே.ஜே. ஆப்ராம்ஸ் இயக்கியுள்ள இந்தப் படம் வருகிற டிசம்பர் மாதம் வெளியாகவுள்ளது. வேற்று கிரகம் என்ற ஒரு விஷயத்தை வைத்துக் கொண்டு ஒவ்வொரு பாகத்திலும் ஸ்டார் வார்ஸ் போகும் உயரம் ரசிகர்களை பரவசத்தில் ஆழ்த்தி வருகிறது.
இது குறித்து டிஸ்னி நிறுவனத்தின் தலைமை செயல் அதிகாரி பாப் இகர் கூறுகையில் “ஸ்டார் வார்ஸ் தி ஃபோர்ஸ் அவேகன்ஸ் படத்தின் 2-வது டீசரை இதுவரை 200 மில்லியன் பேர் (20 கோடி) பார்த்தனர். சமீபத்தில் வெளியாகியுள்ள படத்தின் டிரெய்லரை வெளியான 24 மணி நேரத்திற்குள் 88 மில்லியன் பேர் பார்த்துள்ளனர். ரசிகர்களின் அமோகமான ஆதரவுக்கு நன்றி” என்றார்.